31-nji iýulda irden Ukrainanyň howa hüjüminden goranyş ulgamlary Russiýanyň Kiýewe atan onlarça dronuny urup düşürdi. Kiýewiň resmileri muny “2024-nji ýyldaky iň iri hüjüm” diýip, häsiýetlendirdi.
Maglumata görä, howa hüjüminden goranyş gulluklary paýtagta garşy goýberilen 89 dronuň ählisini, şeýle-de dolandyrylýan X-59 kysymly raketany urup düşüripdirler.
Bu aralykda, Russiýanyň Harkiw, Donetsk we Herson regionlaryna uran zarbalarynda azyndan dört adam heläk boldy diýip, ýerli resmiler habar berdi.