Russiýanyň Ukraina eden soňky pilotsyz uçar we raketa hüjümlerinde azyndan bäş adam ýaralandy diýip, Kiýew 6-njy sentýabrda aýtdy we howa goragçylarynyň öten agşam iberilen 44 pilotsyz uçaryň 27-sini urandygyny habar berdi.
6-njy sentýabr güni irden edilen raketa hüjüminde ýaşaýyş jaýlaryna zyýan ýetdi, demirgazyk-gündogar Harkow sebitinde üç adam ýaralandy diýip, ýerli resmiler aýtdy.
Öten agşamky hüjüm iki adamyň ýaralanmagyna, azyndan 12 jaýyň zaýalanmagyna sebäp boldy, merkezi Dnipropetrowsk sebitindäki elektrik liniýalaryna we gaz geçirijilere täsir etdi diýip, resmiler aýtdy.
Lwowyň günbatarynda urlan “Şahed” pilotsyz uçarynyň galyndylary bir ammarda turan ýangyna sebäp bolup, dört ulagy weýran etdi.