29-njy ýanwara geçilen gije rus goşunlary Ukrainanyň çägine pilotsyz uçarlar we raketalar bilen hüjüm etdi.
Ýerli häkimiýetleriň habaryna görä, Mikolaýewde iki aýal öldi. Şäher häkiminiň sözlerine görä, Kiýewe asmanda urlan dronlaryň galyndylary gaçdy, pida çeken bolmady.
Döwlet gyssagly kömek gullugynyň anyklaşdyrmagyna görä, Nikolaýewdäki azyk senagaty kärhanasy raketa zarbasynyň astynda galdy: ussahananyň binasy bölekleýin ýykyldy, kärhananyň administratiw binasyna zaýan ýetdi.
Mikolaýew sebit harby administrasiýasynyň başlygy Witaliý Kim kärhananyň iki işçisiniň ölendigini, halas edijileriň 54 we 56 ýaşly aýallaryň jesetlerini harabalygyň aşagyndan çykarandygyny aýtdy.
Kiýewde ir sagat alty töwereginde partlama sesleri eşidildi, howa goragy ulgamlary işledi. Ýerli neşirler howa goranyşynyň pilotsyz uçarlara garşy işländigini habar berdiler.
Kiýewiň häkimi Witali Kliçko paýtagtyň Darnitskiý etrabyndaky metro bekediniň golaýyna asmanda urlan "Şahed" dornlarynyň galyndylarynyň gaçandygyny aýtdy.