Rus goşunlary 24-nji ýanwara geçilýän gije Ukraina pilotsyz uçarlar bilen hüjüm etdiler diýip, Ukrainanyň howa güýçleriniň serkerdeleri aýtdy.
Kiýew sebit harby administrasiýasynyň başlygynyň wezipesini wagtlaýyn ýerine ýetirýän Mykola Kalaşnik rus güýçleriniň ilatly nokatlaryň birinde 10 gatly ýaşaýyş jaýyna zarba urandygyny habar berdi. Kiýew sebit polisiýasy bu binadaky 11 kwartira zyýan ýetendigini aýtdy.
Sebitiň başga bir etrabynda sekiz sany hususy jaýa, üç awtoulaga, dükan, hojalyk gurluşygyna we haýata zyýan ýetdi.
Iň soňky maglumata görä, hüjümler netijesinde üç adam ölüp, bir adam ýaralanypdyr.