Rus goşunlary 27-nji ýanwara geçilýän gije Ukrainanyň çägine 104 pilotsyz uçar iberdi diýip, Ukrainanyň Harby-howa güýçleriniň serkerdeligi habar berdi.
Ukrain goşunynyň maglumatyna görä, Kiýew, Nikolaýew, Harkow, Poltawa, Sumy, Dnepropetrowsk, Hmelnytskiý, Žittomyr, Winnitsiýa we Iwano-Frankiwsk sebitlerinde 57 pilotsyz uçar uruldy. Habarda aýdylmagyna görä, 39 sany pilotsyz uçar imitatory, ýaramaz täsirleri bolmazdan, ýitirim edildi.
Hüjümler netijesinde Dnipropetrowsk, Sumy, Iwano-Frankiwsk we Kiýew sebitlerinde infrastruktura desgalaryna, ýaşaýyş jaýlaryna we hususy jaýlara zyýan ýetdi.
Ukrainanyň Döwlet gyssagly kömek gullugynyň maglumatyna görä, Dneprde dokuz gatly ýaşaýyş jaýynyň üçegi ot aldy we ýene iki ýaşaýyş jaýy zaýalandy.
Samarowskiý etrabynda infrastruktura zyýan ýetdi, ýangyn turdy. Mundan başga, ýene üç sany hususy jaýa we hojalyk binasyna zyýan ýetdi. Pida bolanyň ýokdugy aýdylýar.