27-nji awgustda Türkmenistanyň prezidenti Serdar Berdimuhamedow Aşgabatda “Dragon Oil” nebit kompaniýasynyň direktorlar geňeşiniň başlygy Said Al Taýeri bilen gepleşikleri geçirdi.
Resmi maglumata görä, düýbi Birleşen Arap Emirliklerinde ýerleşýän kompaniýanyň resmisi bilen geçirilen duşuşygyň dowamynda, ýangyç-energetika toplumyny mundan beýläk-de ösdürmek boýunça Türkmenistanyň meýilnamalaryny nazara tutmak bilen, köpýyllyk hyzmatdaşlygy mundan beýläk-de giňeltmegiň mümkinçilikleri maslahatlaşylypdyr. Başga jikme-jikler aýan edilmeýär.
Maglumat üçin aýtsak, “Dragon Oil” kompaniýasy soňky 20 ýyldan gowrak wagtyň dowamynda Türkmenistanyň nebit ýataklaryny özleşdirmek taslamasyna 8 milliard ABŞ dollaryndan gowrak maýa goýdy.