23-nji sentýabrda Pakistanyň “Talybany” mundan bir gün öň daşary ýurtly diplomatlary ýurduň demirgazyk-günbatar sebitine äkidip barýan polisiýa kerwenine edilen hüjüme dahylynyň ýokdugyny aýtdy.
22-nji sentýabrda daşary ýurtly onlarça diplomat Swat etrabyndaky biznes maslahatyna barýan mahaly köçe ýaka bombanyň partlamagy netijesinde, polisiýanyň bir ofiseri öldi, başga-da dördüsi ýaralandy.
Kerwendäki diplomatlaryň arasynda, şol sanda Türkmenistanyň hem wekilleri bardy. Mundan başga-da Russiýanyň, Özbegistanyň, Gazagystanyň, Bosniýa-Gersogowinanyň, Wýetnamyň, Efiýopiýanyň, Rwandanyň, Zimbabweniň, Indoneziýanyň we Portugaliýanyň diplomatlary hem kerwende barýardy.
Hüjümiň jogapkärçiligini hiç bir topar öz üstüne almady. Emma “Tehrik-e Talyban” diýlip bilinýän Pakistanyň “Talyban” toparynyň sözçüsi Mohammad Khurasani muňa özleriniň ilteşiginiň ýokdugyny aýtdy.