Pakistanyň günorta-günbataryndaky Bulujystan welaýatynda jeňçileriň görnüşinden guramaçylykly amala aşyran hüjümleri netijesinde azyndan 37 adam öldi. Bu barada ýerli resmiler habar berdi.
Pakistanyň Bulujystan welaýatynda howpsuzlyk güýçleri separatizm we etniki ýowuzlyklar bilen uzak wagtdan bäri göreşip gelýärler.
Bulujystan welaýatynyň hökümetiniň metbugat wekili Şahid Rindiň 26-njy awgustda Azatlyk Radiosynyň Pakistan gullugy, ýagny Radio Maşaala aýtmagyna görä, “terrorçylar” diýlip häsiýetlendirilen jeňçiler welaýatyň üç sebitinde hüjümleri amala aşyrypdyrlar.
Resmiler hüjümde asuda ilatyň arasyndan adamlaryň, birnäçe esgeriň, kanun goraýjy ofiserleriň we jeňçileriň ölendigini bellediler.
Musakhail etrabyndaky hüjümde jeňçileriň awtobusa ýaraglardan ot açmagy netijesinde 23 ýolagçy heläk boldy. Mundan başga-da, Kalat etrabynda sekiz adam we Bolat etrabynda alty adam öldürildi.
Pakistanyň resmileri hüjümleri amala aşyrmakda anyk hiç bir topary aýyplamadylar.