Özbek prezidenti Şawkat Mirziýoýew, ýurduň 1-nji sentýabrda bellenilýän Garaşsyzlyk güni mynasybetli, ýüzlerçe tussagyň günäsini geçdi.
Döwlet mediasy 159 bendiniň dessine azatlyga çykandygyny, 303 tussagyň şertli ýagdaýda goýberilendigini we azatlykdan mahrum edilen 60 şahsyň türme möhletiniň kemeldilendigini habar berdi.
Bu çärelere şol sanda 19 daşary ýurtly, 56 aýal maşgala, 60 ýaşdan uly 25 şahs we “kiçi ýaşly” diýlip häsiýetlendirilen 233 adam düşdi.
Günäsi geçilenleriň 27-si gadagan edilen toparlaryň hereketleri bilen ilteşikli türmä höküm edilipdi.
Mirziýoýew soňky sapar köpçülikleýin günä geçişligi aprelde, Yslamyň Eid al-Fitr baýramçylygy mynasybetli yglan edipdi. Şonda amnistiýa 426 adam düşüpdi.