Gazagystanyň gündogaryndaky Oskeman şäheriniň sudy ýurduň ozalky diýdimzor prezidenti Nursoltan Nazarbaýewiň ýegenine çykarylan alty ýyl türme möhletini, şertli tussaglyk bilen çalşyrdy.
16-njy awgustda Gündogar Gazagystan sebitiniň paýtagtynyň 2-nji belgili sudy, bir wagtlar juda täsirli telekeçi we syýasatçy bolan, 52 ýaşly Kaýrat Satybaldynyň ogurlamakda aýyplanan pullaryny döwlet gaznasyna geçireninden soň, oňa 40 aýlyk şertli höküm çykardy.
Kazyýet diňlenişiginiň öň ýany, Satybaldy öz etmişleri üçin gazak hökümetinden we halkyndan ötünç sorady.
Mundan iki ýyl ozal, Astananyň sudy Satybaldyny galplykda we ogurlykda günäli tapyp, alty ýyl türme tussaglygyna höküm edipdi. Ol özüne bildirilen ähli aýyplamalar boýunça günäsini boýun aldy.