Napoleon Bonapartyň bir wagtlar öz janyna kast etmek meýili bilen ulanmaga synanyşan iki sany sapançasy Fransiýanyň auksionynda 1.69 million ýewro ($1.8 million) satyldy. Fransiýanyň hökümeti bularyň milli miras hökmünde ýurtda galmalydygyny aýdýar.
7-nji iýulda Parižiň günorta sebitindäki Fontainebleau auksionynda bu sapançylary satyn alanyň şahsyýeti aýan edilmedi. Ahyrky nyrh garaşylyşyndan has ýokary boldy. Sapançalaryň ilki 1.2-1.5 million ýewro aralygynda satyljakdygy çaklanypdy.
Maglumata görä, 1814-nji ýylda Fransiýanyň goşuny daşarky güýçler tarapyndan derbi-dagyn edileninden we Pariž basylyp alynandan soň, häkimiýetden gitmäge mejbur bolan Napoleon hut şu sapançalar bilen janyna kast etjek bolupdyr.