8-nji awgustda Bişkegiň sudy merhum gyrgyz jenaýat ketdesi Kamçy Kolbaýewiň ejesi Maýa Aliýewany, hapa pullary ýuwmakda günäli tapyp, bir ýyl möhlete yza süýşürmek şerti bilen, ýedi ýyl azatlykdan mahrum etdi.
Aliýewanyň aklawçysynyň sözlerine görä, eger-de onuň müşderisi bir ýyllyk synag-gözegçilik möhletiniň dowamynda, şertli ýagdaýdaky çäklendirmeleriň şertlerini bozmasa, onda ol asla-da türmä ýerleşdirilmez.
Kolbaýaew 2023-nji ýylyň oktýabrynda Bişkekde polisiýanyň geçiren ýörite operasiýasynyň dowamynda öldürilipdi. Ol Ýewraziýada neşe gaçakçylygy bilen meşgullanýan “Doganlaryň Halkasy” diýlip atlandyrylýan toruň ýolbaşçysy bolupdy.
ABŞ-nyň Döwlet departamenti 2014-nji ýylda Kolbaýewiň jenaýatçylyk ulgamynyň maliýe mehanizmleriniň üstüni açmaga kömek etjek maglumat üçin 1 million dollar baýrak teklip edipdi.