Maýamide bir ýewreý palestinalylara meňzedip, iki sany ysraýylly syýahatçyny oka tutdy. Pidalar özlerine bir palestinaly hüjüm edendir öýdüpdirler. Ozal amerikan metbugatynda we sosial mediada habar berlen waka barada “The Times of Israel” hem habar berdi.
Hüjümçä, 27 ýaşly Mordehaý Brafmana garşy iki adamy öldürmek synanyşygy aýyplamasy esasynda jenaýat işi açyldy. Ýerli “10 News” portalynyň habaryna görä, ejir çekenler keselhana ýerleşdirilip, tiz wagtdan hassahanadan çykarylypdyr.
Hüjüm 15-nji fewralda, hepdäniň altynjy güni boldy. Kazyýet maglumatyna görä, Brafman ejir çekenleriň ulagyna ýarym awtomatiki sapançasyndan 17 gezek ot açypdyr. Ol tussag edileninden soň, öz ýük awtoulagyny sürüp barýarka "iki sany palestinalyny görüp, olary öldürmek üçin oka tutandygyny” aýtdy.
Polisiýa ejir çekenleriň ysraýylly syýahatçylar bolandygyny aýtdy. Brafman bilen ýaralananlaryň arasynda ozal hiç bir dawanyň bolmandygy aýdyldy.