29-njy awgustda Fransiýanyň prezidenti Emmanuel Makron Telegramyň esaslandyryjylarynyň biri we başlygy Pawel Durowa fransuz raýatlygyny bermek kararynyň arkasynda doly durýandygyny aýtdy.
Mundan bir gün öň, Durowa onlaýn habarlaşmak boýunça meşhur tilsimdäki bikanun mazmunly maglumatlara ýeterlik gözegçilik etmezlikde aýyplama bildirildi.
Makron Belgarada amala aşyrýan iki günlük saparynyň dowamynda eden çykyşynda, Durowa raýatlyk bermek kararynyň, fransuz dilini öwrenen meşhur türgenlere, artistlere we beýleki şahslara fransuz raýatlygyny bermek strategiýasyndan ugur alandygyny belledi.
“Men, fransuz dilini öwrenen Durowa, edil käbir beýleki türgenlerde we artistlerde bolşy ýaly, fransuz raýatlygyny berdim. Meniň pikirimçe, bu biziň ýurdumyz üçin gowy bir zat. Men muny her gezekde etmegi dowam etdirerin” diýip, Makron aýtdy.
39 ýaşly Durow geçen dynç günleriniň dowamynda Parižiň etegindäki Le Bourget aeroportynda saklanypdy. 28-nji awgustda oňa messenjer bilen ilteşiklidigi aýdylýan bikanun hereketleri boýunça käbir jenaýat aýyplamasy bildirildi.