Russiýa tarapyndan basylyp alnan Ukrainanyň Krym sebitinde 15-nji awgust gijesi partlamalaryň bolandygyny we sebiti Russiýa bilen birikdirýän Kerç köprüsinde ulag hereketiniň saklanandygyny, Russiýa tarapyndan bellenen ýerli resmiler aýdýarlar.
Habar berlişine görä, Russiýanyň Gara deňiz flotunyň ýerleşýän port şäheri Sewastopolyň golaýynda üç sany pilotsyz uçar urlup ýykyldy.
Şeýle-de, 16-njy awgustda irden Kerçiň töwereginde birnäçe partlamanyň bolandygy habar berildi.
Sosial mediada Çornomorsk etrabynyň we Krymyň paýtagty Simferopolyň golaýynda partlamalaryň bolandygy barada maglumatlar bar.
Zyýan çekenleriň bardygy ýa-da zeper ýetendigi barada hiç hili maglumat ýok. Ukrain goşuny bu barada häzirlikçe teswir bermedi.