Russiýanyň 7-nji noýabr güni irden uran zarbalary Kiýewiň bäş etrabynda ýangynlaryň turmagyna we zaýaçylga sebäp boldy diýip, şäher häkimi Witali Kliçko telegramda habar berdi.
Peçersk, Holosiýewskiý, Solomýansk, Obolonsk we Podilsk etraplaryna asmanda urlan pilotsyz uçarlaryň galyndylary gaçanda iki adam ýaralandy diýip, Kliçko aýtdy.
Şeýle-de, Kliçko Peçerskdäki köp gatly binanyň ýokarky gatlarynyň ýanýandygyny, ýaşaýjylaryň ewakuasiýa edilendigini habar berdi.
Ukrain goragçylarynyň Gara deňiz portunyň asmanynda uran pilotsyz uçarlarynyň galyndylarynyň gaçmagy Odesada beýik gatly ýaşaýyş jaýynyň zaýalanmagyna, bir adamyň ýaralanmagyna sebäp boldy diýip, sebit gubernatory Oleh Kiper habar berdi.
Telegram kanallary Odesadaky dokuz gatly binanyň birinji gatynda dörän ýangynyň wideosyny çap etdiler.