Ukrainanyň kazyýetleri Russiýanyň 2022-nji ýylyň fewral aýynda başlan giň gerimli urşundan bäri Ukrainada eden jenaýatlary üçin 50-den gowrak rus esgerini jenaýatda günäkär tapdy we türme tussaglygyna höküm etdi diýip, baş prokuror Andriý Kostin 16-njy iýulda aýtdy.
Kostiniň edarasynyň maglumatyna görä, Ukraina 98,000-den gowrak agressiýa we uruş jenaýatyny hasaba aldy.
"Biz bu jenaýatlary derňeýäris, işleri kazyýete geçirýäris we höküm çykarýarys" diýip, Kostin aýtdy.
BMG-niň maglumatyna görä, 30-njy iýuna çenli 9177 ukrain raýatynyň, şol sanda 535 çaganyň öldürilendigi tassyklandy.
BMG öldürilen we ýaralanan raýatlaryň hakyky sanynyň has köp bolmak ähtimallygyna ynanýar.
Düýpli subutnamalara we şaýat görkezmelerine garamazdan, Russiýa Ukrainadaky parahat ilaty nyşana alýandygy we rus goşunlarynyň uruş jenaýatlaryny edýändigi barada aýdylýanlary inkär edýär.