Ukrainanyň Daşary işler ministrligi Russiýanyň Ukrainanyň basylyp alnan Krym sebitinde geçiren saýlawlaryny ýazgaryp, bu proseduranyň halkara hukugynyň bozulmagy bolandygyny belledi.
“Biz wagtlaýyn basylyp alnan Krym awtonom respublikasyndaky ‘saýlawlar’ diýilýäniniň netijeleriniň gymmatynyň ýokdugyny, ‘saýlawlaryň özüniň hem bikanun bolandygyny ýene-de bir gezek nygtaýarys” diýip, ministrlik ýazdy.
Daşary syýasat edarasy ‘saýlawlar diýilýäniniň geçirilmegine we olara taýýarlyk işlerine gatnaşan adamlaryň jogapkärçilige çekiljekdigini’ aýdyp, sözüniň üstüni ýetirdi.
Russiýanyň de-fakto häkimiýetleri 6-8-nji sentýabr aralygynda basylyp alnan sebitde ruslar tarapyndan girizilen Krym parlamentiniň, Sewastopol port şäheriniň şäher häkimliginiň, hem-de ýerli geňeşlikleriň deputatlarynyň saýlawlaryny geçirýärler. Russiýa bu sebiti 2014-nji ýylda basyp aldy.