29-njy sentýabrda Pakistanyň iň iri Karaçi şäherinde geçirilen protestiň dowamynda, demonstrantlar ABŞ-nyň kolsulhanasyna kürsäp girjek bolanlarynda, polisiýa bilen çaknyşyk döredi. Polisiýa dikilen böwetlerden geçmekçi bolup, daş atan protestçilere garşy göz ýaşardyjy gazy ulandy.
Şaýy musulmanlarynyň ýolbaşçylygynda geçirilen protestleriň dowamynda, demonstrantlar mundan iki gün öň Liwanda Eýran tarapyndan goldanylýan Hezbollah jeňçi toparynyň lideri Hassan Nasrallahyň öldürilmegine gahar-gazap bildirdiler.
Polisiýa Karaçidäki çaknyşyklarda 17 adamyň ýaralanandygyny aýdýar.
Protestiň guramaçylarynyň Azatlyk Radiosyna aýtmagyna görä, wakada 20-ä golaý demonstrant tussag edilipdir.
Ysraýylyň ýakyn ýarany ABŞ Hezbollah toparyny terrorçy gurama hökmünde ykrar edýär.
Pakistan Ysraýylyň Liwana uran zarbalaryny ýazgardy we munuň “halkara kanunynyň äsgerilmezligine” yşarat bolandygyny aýtdy.