12-nji awgustda boks boýunça olimpiýa çempiony Imane Khelif watany Alžire dolananda, ony ýurtdaşlary mähirlilik bilen garşyladylar. Mundan öň, Khalifiň jynsy babatynda orta atylan ýalňyş düşünjeler sebäpli halkara derejesinde düşünişmezlikler döräpdi.
Olimpiýa oýunlarynda boks boýunça ýarym-agyr agram derejesiniň altyn medal eýesi Khelif Afrikanyň nebite baý döwletiniň paýtagtyna geldi we şu hepde onuň prezident Abdelmadjid Tebboune bilen hem duşuşmagyna garaşylýar.
Khelifiň boks boýunça garşydaşy italiýaly Angela Karini duşuşygyň 46 sekundynda bäsleşikden öz meýli bilen çekileninden soň, alžirli türgen üns merkezine düşdi.
Mundan soň, käbiriler, şol sanda dünýä liderleri we tanymal şahsyýetler Khelifiň ýaryşa gatnaşmak hukugyny soraga aldylar, şeýle-de onuň erkekdigi barada ýalňyş öňe sürmeleri orta atdylar. Bularyň arasynda, alžirlylar Khelifi tutanýerlilik bilen goradylar.