6-njy awgustda Ýaponiýanyň Hiroşima şäheriniň häkimi Ukrainadaky we Gazadaky uruşlaryň dünýäde gorkyny we ynamsyzlygy ýitileşdirýändigini aýtdy.
Kazumi Matsui bu barada 1945-nji ýylyň 6-njy awgustynda ABŞ-nyň Hiroşima şäherine amala aşyran ýadro hüjüminiň pidalaryny hatyralamak çäresinde çykyş etdi. Şonda 145 müň töweregi adam heläk bolupdy.
“Russiýanyň Ukraina hüjümi we Ysraýyl bilen Palestinanyň arasyndaky ýagdaýlaryň ýaramazlaşmagy köp sanly bigünä adamyň ölümine we adaty durmuşyň çagşamagyna getirýär” diýip, ol belledi.