Gyrgyzystanyň Adatdan daşary ýagdaýlar ministrligi 2-nji iýulda Merkezi Aziýa ýurdunyň Batken, Jelal-Abad, Oş we Talas sebitlerinde, soňky hepdelerde ýagan güýçli ýagyşlar we suw joşmalary netijesinde bolan heläkçilikler sebäpli adatdan daşary ýagdaý düzgünleriniň girizilendigini aýtdy.
Ministrlik biraz öň ýer süýşmeleri we suw joşmalary netijesinde iýun aýynyň ortalaryndan bäri 16 adamyň ölendigini habar beripdi.
Ministrligiň maglumatyna görä, ýagdaýyň birnäçe günläp örän howply bolmagy mümkin, sebäbi güýçli ýagyşlaryň 7-nji iýula dowam etmegine garaşylýar.