2024-nji ýylyň ilkinji 9 aýynda ene-atasy ýurtdan çykan gyrgyz çagalarynyň sanynyň 72 müň bolandygy anyklandy. Bu maglumaty Zähmet, durmuş üpjünçiligi we migrasiýa ministrliginiň metbugat gullugy ýaýratdy.
Ministrligiň maglumatyna görä, hünärmenler migrant işçileriň garyndaşlarynyň gözegçiliginde galan çagalaryň 86 müňden gowragyny anykladylar we gözegçilik astyna aldylar.
"...çagalara garşy maşgala zorlugynyň öňüni almak we ýüze çykarmak maksady bilen, geçen döwürde 296 müňden gowrak hojalykda barlag geçirildi” diýip, Zähmet ministrligi aýtdy.
Zähmet ministrligi 2023-nji ýylyň dekabrynda hem 72 müň çaganyň ene-atasynyň daşary ýurtdadygy barada maglumat berdi.
Jemgyýetçilik işgärleri 2023-nji ýylyň başynda ene-atalarynyň ikisi ýa-da biri gazanç etmäge giden çagalaryň sanynyň 100 müň 174 bolandygyny anykladylar. Bu çagalaryň 5500 çemesi özleri bilen garyndaşlyk gatnaşygy bolmadyk adamlar bilen ýaşaýardy.