Günbatar Germaniýanyň häkimiýetleri suw ätiýaçlyk çeleginiň töweregindäki demir haýatda deşik tapylandan soň, takmynan 10 müň ilata kran suwuny içmezlik barada duýduryş berdi.
Gürrüňi edilýän suw ätiýaçlyk çelegi golaýdaky harby bazany hem suw bilen üpjün edýär.
Bu, şu hepde bolan şuňa meňzeş ikinji wakadyr.
Meçerniç şäheriniň ýerli häkimiýetleri haýatyň kesilendiginiň 15-nji awgustda günortan anyklanandygyny we häzirki wagtda suwuň hapalanandygyny ýa-da hapalanmandygyny aýdyňlaşdyrmak üçin synaglaryň geçirilýändigini aýtdy.
Germaniýa - Kiýewiň esasy ýarany - ýurtdaky harby desgalara sabotaž we hüjüm edilmek ähtimallygy barada ýokary hüşgärlik derejesine geçdi.