Demirgazyk Koreýanyň döwlet eýeçiligindäki Merkezi habar gullugy 31-nji oktýabrda ýurduň kontinentara raketasyny synagdan geçirendigini habar berdi.
Ýapon deňzine tarap atylan balistik raketa ABŞ-nyň prezident saýlawynyň birnäçe gün öňünden geçirilen synag boldy.
Demirgazyk Koreýanyň lideri Kim Çen Un bu synagy “duşmanlara jogap” diýip atlandyrdy.
Günorta Koreýanyň harbylarynyň maglumatyna görä, bu raketa 31-nji oktýabr güni irden, Phenýanyň golaýyndaky synag meýdançasyndan atyldy.
“Roýters” habar gullugynyň ýapon häkimiýetlerine salgylanyp ýazmagyna görä, synag edilen raketa Hokkaýdodan 200 km günbatarda deňze gaçdy.
Ýaponiýanyň Goranmak ministrligi bu raketanyň takmynan müň metr belentlikde uçup, 85 minut howada bolandygyny aýtdy.