Çeçenistanyň hökmürowan lideri ýene bir garyndaşyny Demirgazyk Kawkaz sebitiniň hökümetinde ýokary wezipä belledi.
Ramzan Kadyrow 1-nji iýulda geçiren hökümet ýygnagynda 27 ýaşly inisi Hamzat Kadyrowy sebitiň Howpsuzlyk geňeşiniň sekretary, ýokary derejeli hukuk goraýjy we howpsuzlyk resmileriniň toparyna ýolbaşçy edip belleýändigini aýtdy.
Bu wezipe häzirlikçe Kadyrowyň maşgala agzalarynyň ýene biri bilen doldurylan iň soňky ýokary orun bolup durýar. Geçen aý, 18 ýaşly ogly Ahmaty sport we ýaşlar meseleleri bölüminiň müdiri wezipesine belläninden bir aý soň, ol bir ýegenini sebitiň ulag ministri wezipesine belledi.
Kadyrow fewral aýynda 24 ýaşly gyzyny Hadižahaty ýokary derejeli administrasiýa wezipesine belledi.