Birleşen Milletler Guramasynyň adam hukuklary boýunça komissary Wolker Türk 9-njy sentýabrda guramanyň Ženewadaky edara binasynda Adam hukuklary geňeşiniň dört hepde dowam etjek 57-nji mejlisine badalga berip, global ýolbaşçylary “distopik geljegiň” öňüne geçmäge çagyrdy.
Ol Talyban ýolbaşçylygyndaky Owganystanda aýal-gyzlara çemeleşmeler dogrusyndaky, şeýle-de üznüksiz rus hüjümleriniň astynda galýan ukrain halky babatyndaky gyssagly duýduryşlara üns berilmegine çagyryş etdi.
Iki ýyl çemesi ozal adam hukuklary boýunça komissar wezipesine girişen Türk dünýäniň möhüm kararlaryň çatrygynda durandygyny aýtdy.
Ol dünýäniň “distopik geljege tarap basyrganyp barýan mekirçilikli täze kadalary” dowam etdirmeklik, ýa-da “oýanyp, adamzat we tutuş planeta üçin ýagdaýlary gowulandyrmaklyk” ýaly iki saýlawyň arasynda galandygyny aýtdy.
Türk “tükeniksiz we rehimsiz harby dartgynlylyklara, hem-de barha eýmençleşýän, tehnologiýa taýdan ‘ösen’ söweş sungaty, gözegçilik we repressiýa tilsimlerine” salgylandy.