19-njy awgustda Azerbaýjanyň prezidenti Ylham Alyýew rus prezidenti Wladimir Putin bilen Hazaryň suwunyň “katastrofiki” derejede çekilmegini maslahat etdi, şeýle-de hazarýaka bu iki döwletiň ýagdaýlary seljermek barada ylalaşandyklaryny aýtdy.
Reuters gullugynyň maglumatyna görä, ylmy barlaglar Azerbaýjanyň, Eýranyň, Gazagystanyň, Russiýanyň we Türkmenistanyň kenarynda ýerleşýän Hazaryň suwunyň 1990-njy ýyllaryň ortalaryndan bäri çekilýändigini görkezýär.
Alyýew Putine mundan iki ýyl ozalam suwuň aşagynda bolan, häzir bolsa ýeriň ýüzüne çykan daş böleklerini hem görkezipdir.
“Olar eýýäm 1 metre golaý ýeriň ýüzüne çykdy” diýip, Alyýew belläpdir.
Putin munuň bilen bagly hiç hili beýanat etmedi.
Azatlygyň habarçylary Hazaryň Türkmenistan kenarynyň hem soňky ýyllarda düýpli çekilendigini belleýärler.
