29-njy awgustda ABŞ-nyň Milli howpsuzlyk boýunça maslahatçysy Jeýk Salliwan (Jake Sullivan) Pekinde Hytaýyň prezidenti Si Jinping bilen duşuşdy. Munuň bilen ABŞ resmisiniň Hytaýa amala aşyrýan, meseleleriň giň gerimini öz içine alan, üç günlük sapary tamamlanýar.
ABŞ-nyň noýabrdaky prezidentlik saýlawlarynyň öň ýanynda geçirilen gepleşikleriň maksady, dünýäniň esasy iki güýjüniň arasyndaky dartgynlylyklary gowşatmakdan ybarat boldy.
Şi Salliwana Pekiniň Waşington bilen durnukly gatnaşyklary saklamaga ygrarlydygyny aýtdy.
Salliwan Hytaýyň daşary işler ministri Wang Ýi bilen, Baýden bilen Şiniň arasyndaky ýakynda täze gepleşikleri geçirmek mümkinçiliklerini maslahat etdiler, şeýle-de Ýakyn Gündogardaky we Ukrainadaky konfliktler, Hytaýyň Taýwan babatyndaky territorial talaplary we söwda meseleleri baradaky garşylyklaýyn pikirlerini paýlaşdylar.
Ak Tam taraplaryň “açyk, mazmunly we konstruktiw dialoglary” geçirendiklerini aýtdy.