28-nji iýulda ABŞ Ysraýylyň okupirlän Golan belentliklerine edilen raketa hüjümine jogapkär bolmakda düýbi Liwanda ýerleşýän Hizballah toparyny aýyplady. Futbol meýdançasyna urlan zarbada azyndan 12 çaga we ýetginjek heläk boldy. Bu Ýakyn Gündogarda has giň gerimli urşuň turmak howatyrlaryny artdyrdy.
Ysraýyl hem hüjüm bilen ilteşikli Hizballahy aýyplady, şeýle-de Eýranyň goldaýan bu toparyna agyr urgy urjakdygyny aýtdy.
Hizballah hüjümiň jogapkärçiligini ret etdi.
Ysraýylyň Gazadaky urşy sebäpli sebitdäki dartgynlylygyň ýokarlanan mahaly, raketa urgusy konfliktiň has ula ýazmak howatyrlaryny döretdi.
Dokuz aý ozal başlanan Gazadaky uruş sebäpli onlarça müň adam heläk boldy, şeýle-de uly gumanitar krizis döredi.