Sekiz sany halkara kömek topary Ysraýylyň ABŞ-nyň uruşdan tozan Gaza zolagyna has kän ynsanperwer elýeterliligini döretmek baradaky talaplaryny kanagatlandyryp bilmändigini aýtdy.
Hünärmenler demirgazyk Gazanyň eýýäm açlygy başdan geçirýän bolmagynyň mümkindigini aýdýarlar.
Emma muňa garamazdan, Baýden administrasiýasy 12-nji noýabrda özüniň Ysraýyla ýarag iberilmegini çäklendirmejekdigini, sebäbi ABŞ-nyň esasy ýaranynyň Gaza ynsanperwer kömegini artdyrmakda gowy, ýöne çäkli ilerleme edendigini aýtdy.
Waşington geçen aý Ysraýyla Gaza berilýän kömegi 30 gün içinde köpelt, ýogsa-da bu ABŞ-nyň Ysraýylyň terrorçy diýlip kesgitlenen toparlara, Gazadaky Hamasa we Liwandaky Hezbulla garşy alyp barýan urşuna berýän harby goldawyny azaltmagyna getirjek ABŞ kanunlarynay ulanmagyna getirip biler diýdi.
Ysraýylyň soňky 24 sagatda uran zarbalary Gazada azyndan 46 adamyň, Liwanda azyndan 33 adamyň ölmegine sebäp boldy diýip, ýerli saglyk resmileri 12-nji noýabrda aýtdylar.