Russiýanyň Döwlet dumasynyň wekiliýeti şu aýda Türkmenistana sapar eder diýip, rus metbugaty habar berýär.
Döwlet dumasynyň wekiliýeti ýanwaryň aýagyna çenli Eýrana we Türkmenistana sapar eder diýip, rus parlamentiniň aşaky palatasynyň spikeri Wýaçeslaw Wolodin dumanyň ikinji gün açylan ýazky mejlisinde aýtdy.
"Ýazky sessiýada, parlament ölçegleriniň çäginde, daşary ýurtdaky kärdeşlerimiz bilen edilmeli uly işler bar. ...Esasy hyzmatdaşlar bilen aradaky gatnaşyklary täze derejede gurmagyň gürrüň edilýär” diýip, “Nowosti” habar gullugy Wolodiniň sözlerini sitirledi.
Wolodin deputatlara ýüzlenip eden çykyşynda Waşington bilen Brýusseliň Russiýany izolirlemek planynyň puç bolandygyny öňe sürdi.
Şeýle-de ol Russiýanyň beýleki ýurtlar bilen aradaky gatnaşyklary ösdürmäge birek-birege hormat goýmak, özygtyýarly döwletleriň işlerine goşulmazlyk we özara peýdaly hyzmatdaşlyk ýörelgeleri esasynda çemeleşeýändigini aýtdy.
Wolodin biraz öň ýurduň ýaragly güýçlerini abraýdan düşürýän we Ukrainadaky urşa garşy çykýan ruslaryň emläklerini we aktiwlerini konfiskasiýa etmegi teklip etdi.
