Birleşen Ştatlardaky türkmen aktiwistleri 22-nji sentýabrda BMG-niň Nýu Ýorkdaky baş binasynyň öňünde türkmen hökümetine garşy nobatdaky protest çäresini geçirdiler. Proteste gatnaşan türkmenistanlylar Türkmenistanda tussag edilen aktiwistleriň türmelerden boşadylmagyny, ýurtda adamlara mejbury pagta ýygdyrylmagynyň bes edilmegini, şeýle-de koronawirus pandemiýasy sebäpli ýurtda dörän kynçylyklara üns berilmegini talap etdiler.