Belarusyň paýtagty Minskidäki Milli tehniki instituty, Eýrandan gelen bir talypdan koronawirusyň ýüze çykarylmagyndan soňra, synp sapaklaryny geçirmegini bes etdi. Turkmen.news neşiriniň maglumatyna görä, bu ýokary okuw jaýynda türkmenistanly talyplar hem bilim alýarlar.
Belarusyň ýokary okuw jaýyndaky bu çäre 28-nji fewral – 15-nji mart aralygynda dowam eder.
Turkmen.news neşiri uniwersitetiň wekillerinden türkmenistanly talyplaryň sany barada maglumat almak başartmandygyny belleýär.
2018-2019-njy okuw ýylynda Belarusyň ýokary okuw jaýlarynda jemi 7 müň 749 türkmenistanly talyp bilim alýardy.