Birleşen Ştatlaryň ÝHHG-daky missiýasynyň guramanyň Aşgabatdaky wekili Natalýa Drožda 13-nji iýunda iberen hatynda Türkmenistanda adam hukuklarynyň hem-de esasy azatlyklaryň ýiti gysylýandygy aýdylýar.
“Birleşen Ştatlary ÝHHG-nyň Aşgabatdaky merkeziniň howpsuzlygyň ähli üç ugry, ýagny syýasy-harby, ykdysady-ekologik hem-de adam ölçegleri boýunça alyp barýan işlerine gowy baha berýär” diýlip hatda aýdylýar.
Hatyň mazmunynda Birleşen Ştatlary ÝHHG-nyň Aşgabatdaky merkezini Türkmenistanda raýat jemgyýetini we garaşsyz mediany ösdürmek boýunça çäreleri geçirmäge çagyrýar.
“Bu iki sektoryň ikisi-de Türkmenistanda ösüp ýetişmedik hem-de hetdenaşa çäklendirilýär we biz şolary goldamagy öz içine alýan işleri goldaýarys” diýip, Birleşen Ştatlaryň ÝHHG-daky missiýasynyň guramanyň Aşgabatdaky merkeziniň ýolbaşçysy Natalýa Drožduň adyna ugradylan hatda aýdylýar.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu sep arkaly biziň mugt Psiphon3 VPN ulgamymyzy Android ulgamlary üçin indirip bilersiňiz. Azatlyk Radiosy siziň şahsyýetiňiziň doly gizlinligini kepillendirýär.