Demirgazyk Owganystanda söweşijiler Gunduz şäherinden soň, Türkmenistan bilen serhetleşýän Farýab welaýatynyň paýtagty Meýmene şäherine hem hüjüm etdiler.
Bu welaýatda söweşijiler bilen owgan güýçleriniň arasynda 13 sagatlap ok atyşygyň dowam edendigi habar berilýär. Farýab welaýatynyň häkimi wezipesini ýerine ýetiriji Abdulsetdar Bariziň aýtmagyna görä, bu çaknyşyklara daşary ýurtly jeňçiler ýolbaşçylyk edýär.
Demirgazyk Owganystandaky howpsuzlyk şertleri barada Azatlyk Radiosynyň Kabuldaky habarçysy Şaýymerdanguly Myrady ýörite maglumat taýýarlady.
