Türkmenistanda 2015-nji ýylyň 1-nji ýanwaryndan başlap benziniň we dollaryň bahasynyň ýokary galdyrylmagy ýurduň çar künjegindäki bazarlardaky harytlaryň we ilata edilýän dürli hyzmatlaryň hem bahasyny ýokary galdyrdy.
Azatlyk radiosy bu gymmatlama esasynda emele gelen ýagdaý bilen gyzyklanyp, ozal Ahaldaky we Lebapdaky ýagdaýlar barada maglumat beripdi. Eýsem bahalar bilen bagly ýagdaý Maryda nähili?
Azatlyk radiosy bu soragy Marydaky habarçysy Röwşen Çaryýewe berdi.
