Soňky habar

Infografik

Sorry! No content for 13 Sentýabr. See content from before

Penşenbe 10 Sentýabr 2015

?
Sentýabr 2015
Duş	Siş	Çar	Pen	Ann	Şen	Ýek
31	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	1	2	3	4

Sentýabr 10, 2015
Siriýaly bosgun krizisi

Birleşen Milletler Guramasynyň bosgunlar boýunça edarasynda 4 milliondan gowrak siriýaly hasaba alyndy. Şu ýylyň ýanwar aýyndan iýul aýyna çenli Germaniýadan gaçybatalga soran siriýalylaryň sany, bosgunlaryň akym edýän beýleki alty ýewropa ýurdundan has köpdür.

Awgust 27, 2015
MA: Dollar gatnaşyklary

Şu ýylyň başyndan bäri türkmen manady dollara görä 23% hümmetsizlendi. Şol bir wagtda geçen ýylyň aýaklaryndan başlap Türkmenistanda, umuman tutuş Merkezi Aziýa sebitiniň döwletlerinde degişli milli pul birlikleri dollara görä öz hümmetlerini ýitirdiler. Aşakdaky infografikde Merkezi Aziýa ýurtlarynda dollaryň degişli milli pul birlige görä üýtgemeginiň derejesi görkezilýär. Görkezijiler 2014-nji ýylyň dekabr aýyndan şu ýylyň awgustyna çenli maglumatlary öz içine alýar.
Awgust 20, 2015
Merkezi Aziýanyň we Türkmenistanyň neşirleri

14-nji awgustda Türkmenistanyň prezidenti Gurbanguly Berdimuhamedow, ýurduň döwlet eýeçiligindäki habar serişdeleriniň işinden düýpli närazylyk bildirip, degişli ýolbaşçylary tankyt etdi we olaryň käbirlerini wezipeden boşatdy. Ýurtda habar serişdeleriniň ählisi diýen ýaly döwlet eýeçiliginde. Eýse, Türkmenistanda we Merkezi Aziýanyň beýleki ýurtlarynda näçe sany neşir bar? Şeýle-de, olaryň näçesi döwlet we näçesi hususy eýeçilikde? Bu sanaw internet websaýtlaryny öz içine almaýar. Jikme-jik maglumat üçin suratlaryň we şekilleriň üstüne basyň.
Awgust 17, 2015
500 tonna azyk önümini näme edip bolar?

Geçen hepde Russiýa Kremliň Günbatara garşy girizen sanksiýalarynyň çäginde 500 tonnadan gowrak azyk önüminiň ýok edilendigini mälim etdi. Emma Russiýanyň häkimiýetleri 500 tonna azyk önümini ýer bilen ýegsan etmegiň deregine näme edip bilerlerdi?
Awgust 14, 2015
Mekdep okuwçysyna edilýän çykdajylar

Türkmenistanda täze okuw ýylynyň başlamagyna sanlyja gün galdy. Täze okuw ýylynyň öňüsyrasynda, ene-atalaryň 1-7 klas aralygyndaky bir okuwçyny mekdebe geýindirip okuw esbaplary bilen üpjün etmek üçin ortaça 380-450 manat töweregi pul harçlamaly bolýandygy habar berilýär. Şol bir wagtda Türkmenistanda minimal aýlyk haky 535 manat çemesi hasaplanylýar. Jikme-jik maglumatlar üçin gyzyl düwmeleriň we suratyň gyrasyndaky şekilleriň üstüne basyň.
Awgust 07, 2015
Aşgabadyň ýok edilen raýonlary

Soňky ýyllaryň dowamynda “Aşgabady abadanlaşdyryş” işleriniň çäginde paýtagtyň ilatly ýaşaýyş massiwleriniň ençemesi ýer-ýegsan edildi. Olaryň käbirleriniň deregine il içinde “elitniý” diýlip atlandyrylýan jaýlar gurulsa, käbirleriniň ýerinde agaç nahallary oturdyldy. Aşaky infografikde Aşgabadyň käbir ýumrulan sebitleri barada maglumat berilýär. Jikme-jik maglumat üçin gyzyl düwmeleriň üstüne basyň.
Iýul 22, 2015
Russiýanyň liderligi

Ozalky Gündogar Blogunyň düzümine girýän döwletleriň raýatlary Russiýanyň liderligine nähili garaýarlar? Siz Russiýanyň alyp barýan liderlik roluny oňlaýarsyňyzmy ýa-da ýok?
Iýul 10, 2015
Gresiýanyň halas edişleri

1948-1952-nji ýyllar aralygynda Birleşen Ştatlar Marşal planynyň çäginde ykdysady ýardam hökmünde Gresiýany 376 million amerikan dollary möçberindäki pul serişdesi bilen üpjün edipdi. Inflýasiýa nazara alnanda, bu mukdar 2014-nji ýylda ortaça 5 milliard amerikan dollaryna barabardyr.
Iýul 07, 2015
Demirgazyk Owganystandaky dartgynlylyk

Talyban” režimi çöküp, Owganystanyň öňki “Demirgazyk Ýaranlygyna” degişli bäsdeş toparlaryň arasyndaky konflikt çözüleninden soňraky ýyllarda ýurduň demirgazyk böleginiň ýagdaýy suratlandyrylynda, köplenç “belli bir derejede imisalalyk” diýen sözler ulanylýardy.
Iýul 03, 2015
Berdimuhamedowyň “ýazan” kitaplary

Türkmenistanyň prezidenti Gurbanguly Berdimuhamedow döwlet başyna geçensoň, onuň dürli temalara, şol sanda dermanlyk ösümliklerine, ahal-teke atlaryna, medeniýete bagyşlanan onlarça kitaby çapdan çykdy. Belläp geçsek, kähalatlarda bir ýylyň dowamynda Berdimuhamedowyň ençeme kitaby hem halk köpçüligine ýetirilýär. Aşakdaky infografikde G.Berdimuhamedowyň adyndan çykan şol kitaplar barada maglumat berilýär.
Iýun 26, 2015
Birleşen Ştatlaryň we Russiýanyň daşary ýurtlardaky harby bazalary

Birleşen Ştatlaryň Germaniýadaky uly harby merkezlerinden başlap, Singapurdaky logistik desgalara çenli dünýäniň ondan gowrak ýurdunda harby bazalary hereket edýär. Degişlilikde Russiýanyň bolsa, dünýäniň dokuz ýurdunda harby bazasy bar. Olaryň sekiz sanysy öňki sowet respublikalarynda – Belarusda, Ukrainada, Moldowada, Gürjüstanda, Ermenistanda, Gazagystanda, Gyrgyzystanda we Täjigistanda ýerleşýär. Şeýle-de rus harby bazalarynyň ýene biri Siriýada ýerleşip, ol harby-deňiz güýçleri desgasydyr.
Iýun 25, 2015
Konstitusiýa girizilen üýtgetmeler

Türkmenistanda “Konstitusiýany kämilleşdirmek we halkara standartlaryna laýyk getirmek maksady bilen” diýlip degişli reformalary geçirmek üçin şu ýylyň maý aýynda ýörite Konstitusion komissiýasy öz işine başlady. 1992-nji ýylyň 18-nji maýynda Türkmenistanyň Konstitusiýasy kabul edileni bäri, oňa bäş gezek üýtgetme girizildi. Aşakdaky infografikde Türkmenistanyň Konstitusiýasyna girizilen şol bäş üýtgetme barada maglumat berilýär. Suratdaky maglumaty okamak üçin suratyň üstüne basyň.

Ýene-de ýükle

XS

SM

MD

LG