Soňky habar

Sahra Ghulam Nabi

Taýýarlan Sahra Ghulam Nabi

Awgust 27, 2018
Lebapda Tiz kömek lukmanlaryna dermanlary öz hasabyna "satyn almak tabşyryldy"

Türkmenistanda dowam edýän ykdysady kynçylyklar we gytçylyklar Tiz kömek ulaglarynda işleýän işgärleriň dermansyz hyzmat etmegine getirdi diýip, Azatlyk Radiosynyň Lebap welaýatyndaky çeşmesi aýdýar.
Awgust 24, 2018
Awazada AHHG-a agza ýurtlaryň baştutanlarynyň sammiti geçirildi

Türkmenistanyň “Awaza” syýahatçylyk zolagyndaky Kongres merkezinde Araly halas etmegiň Halkara gaznasyna (AHHG) agza ýurtlaryň baştutanlarynyň sammiti geçirildi.
Awgust 23, 2018
Türkmenistan we Gyrgyzystan ikitaraplaýyn resminamalara, “Strategik hyzmatdaşlyk” boýunça jarnama gol goýdy

Gyrgyzystanyň prezidenti Sooronbaý Žeenbekow türkmen prezidenti Gurbanguly Berdimuhamedowyň çakylygy esasynda şu gün, ýagny 23-nji awgustda Türkmenistana iki günlük resmi saparyny amala aşyrýar.
Awgust 22, 2018
Daşoguzda gögeren ekinler traktor bilen sürülýär, daýhanlardan para soralýar

Daşogzuň häkimiýetleri tarapyndan ýaşaýjylaryň gapysyndaky ekinleri sürmek kampaniýasy dowam edip, bu çäre welaýatyň Saparmyrat Türkmenbaşy etrabyna hem baryp ýetdi.
Awgust 21, 2018
Eýran Türkmenistana gaýtawul berip, “Türkmengazy” Halkara arbitraž suduna berdi

Türkmenistan bilen Eýranyň arasynda iki ýyl bäri dowam edýän gaz dawasy bilen baglanyşykly Eýranyň Milli gaz kompaniýasy Halkara arbitraž suduna arza bilen ýüz tutdy. Bu waka Türkmenistanyň “Türkmengaz” döwlet konserni bu mesele boýunça Halkara arbitraž suduna arza bilen ýüz tutandygyny resmi ýagdaýda yglan etmeginiň yz ýanyna gabat geldi.
Awgust 21, 2018
Importy azaltmaga synanyşýan Türkmenistan bananyň ilkinji hasylyny almaga taýýarlanýar

Türkmen tekeçileri şu ýylyň dekabr aýynda bananyň ilkinji hasylyny almaga taýýarlanýar diýip, Azerbaýjanyň “Trend” habar agentligi Türkmenistanyň Senagatçylar we telekeçiler birleşigine salgylanyp habar berýär.
Awgust 20, 2018
Aşgabatda çilim gaýtadan satuwa çykaryldy; Coca-cola bir adama diňe bir guty berilýär

Aşgabadyň döwlete degişli dükanlarynda çilim gaýtadan satuwa çykaryldy. Şeýle-de, paýtagtda un, şeker, “Ahal” ýagy we çilimden soň, Türkmenistanda öndürilen Coca-cola önümleri hem çäkli möçberde satylyp, bir adama onuň diňe bir gutusy berlip başlandy.
Awgust 17, 2018
Polisiýa işgärleri hususy dükan eýelerinden 'yzygiderli para soraýar'

Aşgabatda polisiýa işgärleri hususy eýeçilikdäki dükanlara ýygy-ýygydan aýlanyp, söwdegärlerden yzygiderli para soraýarlar diýip, Azatlyk Radiosynyň Aşgabatdaky habarçysy aýdýar.
Awgust 17, 2018
Türkmen studenti astrahanly zenanyň şaý-seplerini ogurlamakda aýyplanýar

Russiýanyň Astrahan regionynda 67 ýaşyndaky ýerli zenanyň şaý-seplerini ogurlamakda aýyplanýan türkmenistanly studentiň sud öňüne çykarylýandygyny, rus media serişdeleri habar berýärler.
Awgust 16, 2018
Awtoralliniň geçjek ýolunda her welaýatdan 7000 adam “şowhunly tomaşaçy bolar”

Türkmenistanda “Amul-Hazar 2018” halkara awtorallisine görülýän taýýarlyklaryň jemleýji tapgyrynyň başlanýandygyny, oňa her welaýatdan 7000 çemesi adamyň gatnaşmaly edilendigini, Azatlyk Radiosynyň ýurt içindäki habarçylary aýdýarlar.
Awgust 15, 2018
Awtorallä görülýän taýýarlyklaryň çäginde ýollar ýapylýar, yssy howada ýaşaýjylar kösenýär

Türkmenistanda “Amul-Hazar 2018” halkara awtorallisine görülýän taýýarlyklar zerarly ýüzlerçe adamyň hereket mümkinçilikleriniň çäklendirilmegi we munuň bilen baglanyşykly ilatyň ýüzbe-ýüz bolýan bökdençlikleri dowam edýär.
Awgust 13, 2018
Etsiz süňk we beýleki et önümleri gymmatlady

Türkmenistanda ykdysady kynçylyklaryň barha ýiti duýulýan döwri, et önümleriniň bahasy soňky 10 günüň dowamynda ortaça 50% ýokarlandy we olaryň käbir görnüşleri gytaldy.
Awgust 13, 2018
Haj zyýaratyna giden bir türkmenistanly Mekgede ‘aradan çykdy’

Saud Arabystanyna haj zyýaratyna giden bir türkmenistanly Mekge şäherinde aradan çykdy diýip, Azatlyk Radiosynyň Daşoguz welaýatyndaky çeşmesi habar berýär.
Awgust 10, 2018
“Açlykdan ölýänem bolsaň, başga ýerde öl!”

“Türkmenistandan alternatiw habarlar” neşiri ýurtda ykdysady kynçylyklaryň dowam edýän döwri ýaşaýjylaryň öýlerine aýlanyp, dilegçilik edýän adamlaryň köpelendigine ünsi çekip, ýörite makala çap etdi.
Awgust 09, 2018
Türkmen häkimiýetleri ‘baýramçylykdan soň gel’ diýip, könelişen ulaglary gözegçilikden geçirmeýär

Şu günler Aşgabat şäheriniň köçe-ýol hereketine gözegçilik departamentiniň Awtoulaglaryň tehniki taýdan guratlygyny gözegçilikden geçirýän merkeziniň öňünde uzyn nobatlar emele gelip, resmiler bu ýere baran könelişen ulaglary barlagdan geçirmän, olaryň sürüjilerine Garaşsyzlyk baýramçylygyndan soň gaýtadan gelmegi tabşyrýarlar.
Awgust 08, 2018
“Para beren söwdegärler galýar, bermedikler bazardan kowulýar”

Türkmenistanda gök-miwe önümleriniň gymmatlamagynyň dowam edýän we türkmen häkimiýetleriniň ýurtda “azyk bolçulygynyň gazanylandygyny” ynandyrmaga synanyşýan mahaly, Daşoguz welaýatynda polisiýa işgärleriniň ýerli ýaşaýjylara bakjalarynda ýetişdiren önümlerini satdyrman, olary bazarlardan we onuň daş-töwereginden kowmak çäresi dowam edýär.
Awgust 07, 2018
Aşgabatda ulag eýelerinden ýol salgydynyň tölenendigi baradaky güwänama talap edilýär

Aşgabatda Ýol gözegçilik gullugynyň işgärleri ulaglary saklap, sürüjilerden 100 manat möçberindäki ýol salgydyny töländigi baradaky güwänamany talap edip başladylar.
Awgust 06, 2018
Resmi media awtoralliniň ähmiýetini nygtasa-da, taýýarlyklaryň ilata ýetirýän täsirlerini agzamady

5-nji awgustda Aşgabatda Olimpiýa şäherjiginiň “Sport” myhmanhanasynda “Amul-Hazar 2018” halkara awtorallisine bagyşlanan mediaforum geçirildi. Resmi mediada bu çäräniň ähmiýetini nygtaýan uzyn makalalar çap edilse-de, onuň türkmenistanlylara ýetirýän täsirleri barada hiç zat aýdylmady.
Awgust 03, 2018
Welaýatlarda guruljak täze awtowokzallaryň transportdaky bökdençlikleri çözmejekdigi aýdylýar

Türkmenistanyň Balkanabat, Mary, Türkmenabat we Daşoguz şäherlerinde täze döwrebap ýolagçy awtowokzallarynyň guruljakdygyny, ýurduň resmi mediasy habar berýär. Emma ýerli ýaşaýjylaryň we synçylaryň ençemesi ýurtda şeýle awtowokzalyň mundan ozal hem gurlandygyny aýdyp, munuň bilen transport pudagyndaky problemalaryň çözülmeýändigini aýdýarlar.
Awgust 01, 2018
“Migrasiýa işgärleri hiç hili düşündiriş bermän, gyz doganymy uçara goýbermediler”

Türkmenistanda raýatlaryň ýurduň daşyna çykmakda duçar bolýan kynçylyklary, has takygy Aşgabadyň halkara aeroportunda türkmen raýatlarynyň uçara goýberilmezligi bilen bagly wakalaryň gaýtalanmagy dowam edýär.

Ýene-de ýükle

XS

SM

MD

LG