Demirýol menziliniň üçeginiň çökmegi we azyndan 14 adamy öldürmegi sebäpli, Serbiýada ýüzlerçe protestçi hökümete garşy demonstasiýa toplandy. Olar bu hadysada ministrleri günäkärläp, olaryň işden çekilmegini talap edýärler.
Serbiýanyň ikinji uly şäheri Nowi Sadda 1-nji noýabrda bolan betbagtçylyk adamlarda uly gahar-gazap döretdi. Käbiri ellerine gyzyl, gan reňkini çalan protestçiler 3-nji noýabrda paýtagt Belgradda ýygnanyp, hökümetiň gurluşyk ministriniň işden aýrylmagyny talap etdi.
Protetstçileriň käbiri "Bu betbagtçylyk däl, jenaýat", "Korrupsiýa öldürýär" diýen ýazgyly plakatlary göterip geldi.