Aşgabadyň dükanlarynyň we bazarlarynyň ençemesinde towuk ýumurtgasynyň tapdyrmaýandygy habar berilýär. Maglumata görä, käbir dükanlaryň öňünde adamlaryň uly nobatlarynyň emele gelendigi hem aýdylýar.
“Türkmen inisiatiwasy” toparynyň öz ýurt içindäki çeşmelerine salgylanyp beren maglumatyna görä, häzirki wagtda paýtagtyň “Rus bazaryndaky” käbir dükanlarda ýumurtga satylýar, emma ondan her bir ýaşaýjy diňe 10 sanysyny satyn alyp bilýär.
Azatlyk Radiosy bu barada Aşgabatda ýaşaýan synçy we ýazyjy Amanmyrat Bugaýew bilen söhbetdeş boldy.
