Gullukdaky 'ýaramaz şertler' ene-atalary para bermäge we ogullaryny wagtyndan öň gullukdan boşatmaga iterýär

Türkmenistanda raýatlary çagyryş boýunça harby gulluga almak we gulluk möhletini tamamlan esgerleri öýlerine ugratmak möwsümi dowam edýär. Bu aralykda, Azatlyk Radiosynyň habarçysy harby gullukda para möwsüminiň hem başlanandygyny aýdýar. Ene-atalar şu günler esger ogullaryny wagtyndan öň gullukdan boşatmaga çalyşýandyklaryny, munuň üçin müňlerçe manat möçberinde para berýändiklerini gürrüň berdiler.