Türkmen, özbek gepleşiklerine garamazdan, “Farap” gümrüginde ulaglaryň uly nobatlary saklanýar

Türkmenistanyň gündogaryndaky Özbegistan bilen serhetdäki gümrük geçelgesinde üstaşyr ýük ulaglarynyň uly nobatlary saklanyp galýar. Bu ýagdaýlar Azatlygyň bu baradaky dowamly habarlarynyň yzýany, geçen aý türkmen we özbek ýokary derejeli ulag resmileriniň ‘ulag-üstaşyr geçiriş ulgamy boýunça işleri ýeňilleşdirmäge’ gönükdirilen gepleşiklerinden hem soň, dowam edýär.