Migrasiýa we gümrük işgärleriniň ýolagçylara gödek çemeleşmegi bilen bagly wakalar köpelýär

Aşgabadyň aeroportunda Migrasiýa we Gümrük gulluklarynyň işgärleriniň ýolagçylara gödek çemeleşmegi we olara dürli haýbatlary atyp, gorkuzmagy ýaly wakalar köpeldi. Bu barada daşary döwletlere sapar edýän we ýurda dolanýan türkmenistanlylaryň ençemesi gürrüň berdi. Bu waka Türkmenistanda halkara howa we gury ýer gatnawlarynyň gaýtadan dikeldilip, ýuwaş-ýuwaşdan pandemiýadan öňki tertibe dolanýan mahalyna gabat geldi.