Lebapda otly we uçar gatnawlary togtadyldy, hususy taksileriň nyrhy iki esse gymmatlady

Türkmenistanda koronawirusyň ýaýramagyna garşy girizilýän ätiýaçlyk çäreleriniň arasynda hereket çäklendirmeleriniň ýene ikisi güýje girizildi. Bu çäklendirmäniň çäginde Lebap-Mary-Aşgabat aralygyna otly gatnawlary we Türkmenabatdan Daşoguz hem-de Balkan welaýatlaryna uçar reýsleri togtadyldy. Munuň yzysüre, Lebapdan ýurduň beýleki sebitlerine we paýtagta gatnaýan "bikanun" hususy taksileriň bahasy iki esse gymmatlady.