Maryly gallaçy daýhanlar hasyl puluny nagtlaşdyryp bilmän kosenýär

Türkmenistanyň Mary welaýatynda bankomatlarda nagt pul ýetmezçiligi bilen bagly problemalar ýitileşýär. Galla hasylyny döwlet harmanyna tabşyran daýhanlar zähmet haklaryny nagtlaşdyryp bilmän kösenýär. Bu maglumatlar prezident Gurbanguly Berdimuhamedowyň welaýatlara sapar edip, daýhanlaryň tabşyran hasyly üçin öz wagtynda hasaplaşygyň geçirilişi bilen gyzyklmagynyň yzýanyna gabat geldi.