Aşgabatda howanyň gyzgynlygy 40 gradusdan geçýär, onsoň ilat binanyň daşky diwarlaryndan aýyrmaga mejbur edilen split sistemalaryny duş gelen ýerde, şol sanda köpgatly binalaryň umumy girelgelerinde ýerleşdirip başladylar. Iň esasy mesele-de, megerem, şol sistemalaryň agzalýan jaýlardaky ýaşaýjylara salýan howpy bolsa gerek. Bu enjamlar jaýlaryň umumy girelgeleriniň içinde çem gelen ýerde oturdylýar. Enjamlaryň käbirlerine taýak direlip goýlan bolsa, käbirleri ýüp bilen baglanyp berkidilýär.