Belarusyň häkimiýetleri 37 ýaşyndaky bir aýaly öldürmekde güman edilýän daşary ýurt raýatyny tussag etdiler. Azat Ýewropa/Azatlyk Radiosynyň Belarus gullugy tussag edilen şübheliniň Türkmenistanyň raýatydygyny anyklady.
Şu günler Mary welaýatynyň şäher we etrap merkezlerindäki Baş bilim müdirliklerinde körpeleri çagalar baglaryna kabul etmek çäresi dowam edýär. Munuň üçin nobata duran ene-atalar çagalaryny öz wagtynda çagalar baglaryna ýerleşdirmekde dürli kynçylyklar bilen ýüzbe-ýüz bolýandyklaryny aýdýarlar.
Türkmen häkimiýetleri Türkmenistanda eýesiz it-pişikleriň resmi taýdan hasaba alnan ilkinji hususy penahanasyny ýapýarlar. Bu barada Azatlyk Radiosynyň Aşgabatdaky habarçylarynyň biri habar berýär.
Lebapda özleriniň diriligini subut etmedik raýatlaryň dekabr aýy üçin pensiýa we döwlet kömek pullary olaryň bank hasaplaryna geçirilmedi diýip, Azatlyk Radiosynyň bu welaýatdaky habarçylarynyň biri habar berýär.
Türkmenistanda dowam edýän ykdysady kynçylyklaryň fonunda, şu günler Mary welaýatynyň oba ýaşaýjylary çagalary bilen bilelikde, tutuş maşgala bolup gowaça çöpüni ýygnamaga mejbur bolýarlar. Bu barada Azatlyk Radiosynyň Marydaky habarçylarynyň biri habar berýär.
Lebap welaýatynyň käbir şäherlerinde we etraplarynda raýatlaryň gije sagat 21:00-dan soň hereket etmek mümkinçiligi çäklendirildi.
Soňky iki ýylyň dowamynda Lebap welaýatynda azyndan 14 sany haly fabrigi ýapyldy. Bu ýagdaý haly dokaýan ýüzlerçe aýal-gyzyň işini ýitirmegine sebäp boldy diýip, Azatlyk Radiosynyň Lebapdaky habarçylarynyň biri habar berýär.
Maryda edara-kärhanalaryň işgärlerinden “welosiped satyn almak üçin” 20 manatdan 40 manada çenli pul ýygnalýar diýip, Azatlyk Radiosynyň bu welaýatdaky habarçylarynyň biri habar berýär.
Mary welaýatynyň merkezi şäherinde we etraplarynda okuwçylardan mekdeplerde belleniljek Täze ýyl dabarasy üçin pul ýygnalýar. Bu barada Azatlyk Radiosynyň Marydaky habarçylarynyň biri habar berýär.
Şu aýyň başyndan bäri balkanlylaryň diňe üçden bir bölegi öz bank hasaplaryna geçirilen maliýe serişdelerini nagtlaşdyryp bildi diýip, Azatlyk Radiosynyň habarçysy bilen anonim şertde söhbetdeş bolan ýurduň Merkezi bankynyň Balkan welaýatyndaky bölüminiň işgäri aýtdy.
Mary welaýatynda pagta hasylyny “iň soňky hanasyna” çenli ýygnamak boýunça çäreler güýçlendirildi. Býujet işgärlerinden “ýygym üçin” nobatdaky gezek pul ýygnalyp, hakyna tutylan adamlar pagta ýygymyna iberilýär diýip, Azatlyk Radiosynyň Marydaky habarçylarynyň biri habar berýär.
Mary welaýatynda býujet işgärleriniň noýabr we dekabr aýlary üçin zähmet haklary bank kartlaryna geçirildi. Ýöne bankomatlardaky nagt pul ýetmezçiligi we töleg terminallarynyň işlemeýändigi sebäpli, raýatlar bank hasaplaryndaky puly ne nagtlaşdyryp, ne-de nagt däl tölegler üçin ulanyp bilýärler.
Türkmenistanyň prezidenti Gurbanguly Berdimuhamedow pagta taýýarlamak boýunça döwlet borçnamasynyň noýabr aýynda ýerine ýetirilendigini yglan edendigine garamazdan, pagta ýygymyny 25-nji dekabra çenli tamamlamagy tabşyrdy.
Şu ýylyň ilkinji on aýynda Türkiýede Türkmenistanyň 5000 raýatyna işlemek üçin iş rugsatnamasy berildi diýip, türk media serişdeleri habar berýärler.
2019-njy ýylda Türkmenistanyň paýtagty Aşgabat daşary ýurtlular üçin dünýäde iň gymmat şäher hökmünde tapgyr ikinji ýyl hasaba alyndy.
Şu günler Lebapda Polisiýanyň ýol gözegçiligi gullugynyň (PÝGG) işgärlerine we olara para beren ýa-da para berendigi öýdülýän raýatlara gözegçilik güýçlendi diýip, Azatlyk Radiosynyňbu welaýatdaky habarçylarynyň biri habar berýär.
Lebap welaýatyndaky edara-kärhanalaryň işgärlerinden Täze ýyl baýramyna görülýän taýýarlyklar üçin 30 manat möçberinde pul ýygnalýar diýip, “Türkmenistanyň Hronikasy” neşiri habar berýär.
Azyk harytlarynyň töleglerini diňe bank kartlary arkaly amala aşyrmagy talap edýän Aşgabadyň döwlet dükanlarynda töleg terminallary kadaly işlemeýär.
Türkiýäniň ýokary okuw jaýlarynda 17 müňden gowrak türkmenistanly student okaýar. Bu barada türk media serişdeleri habar berýärler.
2019-njy ýylda Hytaýyň hökümeti azyndan 48 žurnalisti türmä basdy, bu islendik beýleki ýurtdakydan has köpdür diýlip, 11-nji dekabrda ýaýradylan hasabatda aýdylýar.
Ýene-de ýükle
