Farap gümrügindäki nobat talaplary indi daşary ýurt sürüjilerine hem degişli

Türkmenistanyň gündogaryndaky Özbegistan bilen serhetdäki gümrük geçelgesinde ýerli üstaşyr sürüjileri bilen birlikde, daşary ýurt ýük ulaglaryna hem goşmaça talaplar girizildi. Munuň netijesinde, ulaglaryň uly nobaty döredi we ozal bir günde amal edilen dokument işleri birnäçe güne çenli uzady. Sürüjiler munuň netijesinde goşmaça çykdajylara galýandyklaryny, şeýle-de resmileriň döredýän “emeli kynçylyklaryndan” geçmek üçin para bermeli bolýandyklaryny aýdýarlar.