Türkmenistanlylar Stambulda 'Türkmen howa ýollaryna' we konsullyga 'basyş' edýärler
Siziň brauzeriňiz HTML5 formatyny goldamaýar
Türkmenistanyň raýatlary öz watanyna gaýdyp barmak umydy bilen Stambulyň halkara howa menziline ýygnanmagyny dowam etdirýärler. Azatlyk Radiosynyň habarçylarynyň, garaşsyz metbugat çeşmeleriniň we sosial ulgamlardaky neşirleriň habar bermegine görä, ýüzlerçe türkmen raýaty günde bu ýere ýygnanýar. Türkmenistana adaty howa gatnawynyň henizem ýola goýulmandygy sebäpli Türkiýede galan türkmen raýatlary türkmen hökümetiniň guraýan ýörite uçarlaryna münmegi umyt edýärler.